Marcel Lefebvre

Dr Marcel François Marie Joseph Lefebvre (* 29. Nowamber 1905 z’ Tourcoing, Département Nord, Frànkrììch; † 25. März 1991 z’ Martinàch, Kàntoon Wallis, Schwiiz) ìsch a frànzeescher reemisch-kàthoolischer Gaischtliger gsìì. Ar ìsch Mìtglìed ìm Oorda vu da Spiritààner gsìì. Ar ìsch vu 1955 bis 1962 dr äärschta Arzbischoof vu Dakar ìn Senegàl gsìì, un drnooh Arzbischoof-Bischoof vu Tulle ìn Zäntrààlfrànkrììch fìr a pààr Moneeta-n-ìm Joohr 1962. Vu da Joohra 1960 àà ìsch’r a Ààfiahrer vu kàthoolischa Tràdizionàlìschta gsìì, wo d’ waasentliga Reforma vum Zwaita Vàtikànischa Konzil (1962–1965) àbglehnt hann, drunter d’ Lehr un pràktischa Folga vu Nostra Aetate, dr Religioonabund un d’ Litürgiireforma sitter 1965.

Wagadam hàt dr Lefebvre ànna 1969 ìm Schwiizer Kàntoon Wallis d’ Priaschterbriaderschàft St. Piüs X. grìnda. Ànna 1976 ìsch’r waga Priaschterwäihja ohna Wäihäntlàssgschriibs vum Pàpscht Pooli VI. suschpandiart worra. Ànna 1988 ìsch’r unter’m Pàpscht Johànnis Pooli II. waaga unärlàuibta Bischoofswäihja-n-üss dr reemischa Kìrìch üüsgschlossa worra.